Энэ удаагийн нийтлэлээр Python гэж юу болох хэрхэн, хаана ашигладаг болох талаар мэдлэгтэй болох болно😊.
Python бол хүний хэл шиг уншихад ойлгомжтой, компьютер шууд мөрөөр нь гүйцэтгэдэг, олон төрлийн зорилгоор ашигладаг програмчлалын хэл юм.
Тэгвэл Python хэл нь бусад программын хэлнээс юугаараа онцлогтой болох талаар мэдэж авцгаая.
- Өндөр түвшний → хүний хэл шиг ойлгомжтой
- Орчуулан гүйцэтгэдэг (interpreted) → компьютер мөрөөр нь шууд уншиж, гүйцэтгэдэг
- Ерөнхий зориулалтын → олон төрлийн ажилд ашиглаж болдог
-
Хялбар уншигдах, бичигдэх
Python-ийн код нь бараг хүний хэл шиг ойлгомжтой байдаг.
print(“Сайн байна уу?”)
- Интерпретатор хэл
Python кодыг шууд гүйцэтгэдэг тул эхлээд компайл хийх шаардлагагүй. Энэ нь туршилт, алдаа засварлахыг хялбар болгодог.
-
Кросс-платформ
Windows, macOS, Linux гээд бүх гол үйлдлийн систем дээр ажиллана.
-
Нээлттэй эх (Open Source)
Python нь үнэгүй, нээлттэй эхийн хэл тул хүн бүр татаж авч, ашиглаж, өөрчлөх боломжтой.
-
Өргөн хүрээний номын сан
Python нь дата шинжилгээ, хиймэл оюун, вэб хөгжүүлэлт, тоглоом, автоматжуулалт зэрэгт зориулсан олон мянган бэлэн library болон framework-тэй.
_(1).jpg)
Python-ийн хэрэглээний чиглэлүүд
Вэб хөгжүүлэлт
-
Django, Flask зэрэг framework ашиглан вэб сайт болон API хөгжүүлэх. Жишээ нь : Instagram, Pinterest зэрэг платформууд Python дээр суурилсан.
Өгөгдөл шинжилгээ, хиймэл оюун
-
Pandas, NumPy, Scikit-learn, TensorFlow, PyTorch ашиглан дата шинжилгээ, машин сургалт хийх. Жишээ нь: Хувьцааны ханш таамаглах, дүрс таних.
Скрипт бичих, автоматжуулалт
-
Давтагддаг ажлыг автоматжуулах. Жишээ: Файлын нэр солих, өгөгдөл татах, имэйл илгээх автомат скрипт.
Тоглоом хөгжүүлэлт
-
Pygame ашиглан жижиг тоглоом бүтээх.
IoT ба робот техник
-
Raspberry Pi, Arduino зэрэг төхөөрөмж дээр Python ашиглан ухаалаг төхөөрөмж хөгжүүлэх.
Дүгнэлт
Python бол хүний хэл шиг уншихад ойлгомжтой, олон төрлийн салбарт ашиглах боломжтой, интерпретатор хэлний нэг юм. Өндөр түвшний хэл учраас сурахад хялбар, ойлгоход амар бөгөөд кодыг мөрөөр нь шууд гүйцэтгэдэг тул хөгжүүлэлт хурдан явагддаг. Мөн ерөнхий зориулалтын хэл учир вэб хөгжүүлэлт, өгөгдөл шинжилгээ, хиймэл оюун, автоматжуулалт зэрэг өргөн хүрээнд хэрэглэгддэг. Ийм онцлогуудын ачаар Python нь програмчлалд шинээр суралцагчдаас эхлээд мэргэжлийн хөгжүүлэгч хүртэл хүн бүрт тохиромжтой, эрэлттэй програмчлалын хэл хэвээр байна.😊
