Browser cookies гэдэг нь вэбсайтууд хэрэглэгчийн төхөөрөмж дээр хадгалдаг жижиг хэмжээний өгөгдөл юм. Эдгээр күүки нь таныг тухайн вэбсайтад дахин зочлоход илүү хурдан, тохиромжтой үйлчилгээ үзүүлэхэд ашиглагддаг. Жишээлбэл, таны нэвтэрсэн байдал, хэлний сонголт, эсвэл сагсанд нэмсэн бараанууд күүкигээр дамжин хадгалагддаг.
Күүки нь анх 1990-ээд онд бий болсон бөгөөд вэбсайтыг илүү “ухаалаг” болгох зорилготой байв. Күүки байхгүй бол вэбсайт таныг нэг хуудсаас нөгөөд шилжих бүрт таних боломжгүй байх байсан. Тиймээс та байнга дахин нэвтрэх, тохиргоогоо дахин хийх шаардлагатай болох байлаа.
Күүкиг хэд хэдэн төрөлд хуваадаг. Session күүки нь зөвхөн тухайн хөтчийг хаах хүртэл хадгалагддаг бол байнгын күүки нь тодорхой хугацаанд төхөөрөмж дээр үлддэг. First-party күүки нь таны орж буй вэбсайтаас шууд үүсдэг third-party күүки нь ихэвчлэн сурталчилгаа, аналитик зорилгоор өөр домайнаас үүсдэг.
Гэхдээ күүки нь зөвхөн ашигтай талтай биш. Зарим күүки нь хэрэглэгчийн зан төлөвийг хянаж, ямар сайтад орж, юу сонирхож байгааг цуглуулдаг. Үүнээс шалтгаалан хувийн нууцлалын асуудал гарч ирдэг. Иймээс олон улс оронд вэбсайтууд күүки ашиглаж байгаагаа хэрэглэгчид мэдэгдэж, зөвшөөрөл авах шаардлагатай болсон.Аз болоход, ихэнх веб хөтчүүд күүкийг удирдах боломж олгодог. Та күүкиг устгах, тодорхой сайтад зөвшөөрөх эсвэл бүрмөсөн хаах сонголт хийж чадна. Күүкиг зөв ойлгож, зөв тохируулснаар та интернетийг илүү аюулгүй, тав тухтай ашиглах боломжтой юм.
