Зиа одоо та хэддээ хэрхэн хүсч буй бүхий л ур чадвараа хөгжүүлж эзэмших талаар багахан ч гэсэн мэдээлэл хүргэе.
Орчин үеийн хурдацтай хөгжиж буй ертөнцөд шинэ ур чадвар эзэмших нь зөвхөн хэрэгцээ биш, харин амжилт, өөрийн үнэ цэнийг нэмэгдүүлэх гол түлхүүр болжээ. Та ажил, сургууль, эсвэл хувийн амьдралдаа ямар ч чадварыг сурахыг хүссэн бай, түүнийгээ хэрхэн үр дүнтэй эзэмших болон хөгжүүлэх нь чухал юм.
Өөрийн хүсэж буй ур чадвараа хөгжүүлэхэд дараах зарчимууд чухал нөлөөтэй байдаг шүү😉
1. Тодорхой зорилго тавь
Ур чадвар эзэмшихийн эхний алхам бол ямар чадвар эзэмшихийг тодорхойлохоос эхэлнэ. “Англи хэл сурах”, “Програмчлалын суурь эзэмших”, эсвэл “Илтгэх чадвараа сайжруулах” гэх мэт тодорхой зорилго тавьснаар та хаашаа чиглэж байгаагаа ойлгож чадна.
2. Том зорилгыг жижиг алхамд хуваа
Хүмүүс ихэвчлэн том зорилгоосоо айдаг. Тиймээс сурах зүйлээ жижиг хэсэгт хувааж, алхам алхмаар ахих хэрэгтэй. Жишээ нь, гитар тоглож сурмаар байвал эхлээд үндсэн аккордууд, дараа нь энгийн аялгуу, улмаар бүтэн дуу тоглож сурна.
3. Тогтмол дадал бий болго
Ур чадвар эзэмшихэд тасралтгүй байдал хамгийн чухал. Өдөр бүр 20–30 минут хуваарилж суралцах нь нэг өдөр олон цаг сууснаас илүү үр дүнтэй. Жижиг боловч тогтмол алхам нь таны тархинд мэдлэгийг бат бөх суулгадаг.
4. Сайн эх сурвалж ашигла
Өнөөдөр шинэ зүйл сурахад ном, цахим сургалт, видео хичээл, подкаст, багш, ментор гээд олон төрлийн эх сурвалж бий. Итгэлтэй, баталгаатай мэдээллийн эх үүсвэр сонгож сурах нь цаг хэмнэхээс гадна зөв чиглүүлдэг.
5. Дасгал хийж, практикт хэрэгжүүл
Зөвхөн онол уншихаас гадна, заавал бодитоор хэрэглэж үзэх хэрэгтэй. Жишээ нь, хэл сурах гэж байгаа бол өдөр тутмын ярианд ашиглах, код сурах гэж байгаа бол жижиг төслүүд дээр турших нь мэдлэгийг баталгаажуулна.
6. Санаа нэгтэй хүмүүстэй харилц
Шинэ ур чадвар сурахад сургалтын бүлэгт нэгдэх, ижил зорилготой хүмүүстэй холбогдох нь таныг урамшуулж, илүү хурдан ахихад тусална. Мөн багш, менторын зүгээс өгсөн зөвлөгөө замыг тань богиносгоно.
7. Өөрийгөө үнэлж, ахиц дэвшлээ тэмдэглэ
Та хаанаас эхэлсэн, одоо ямар түвшинд хүрснээ тогтмол харьцуулж, ахиц дэвшлээ тэмдэглэх хэрэгтэй. Энэ нь таныг илүү урамшуулж, цаашид хэрхэн хөгжүүлэх замыг тодорхой харуулна.
8. Тэвчээртэй бай
Ур чадвар эзэмших гэдэг нь нэг өдрийн дотор бүтдэг зүйл биш. Замд саад, алдаа гарч болно. Гэхдээ алдаанаас суралцах нь өөрөө хамгийн үнэ цэнтэй сургамж болдог.
Ур чадвар эзэмшихэд зөвхөн “ямар зарчмуудыг баримтлах вэ?” гэдэг чухал биш, харин ямар зүйлс саад болдог вэ гэдгийг ойлгох нь бүр ч хэрэгтэй. Ингэснээр бид тэр саад бэрхшээлийг урьдчилан мэдээд, даван туулах арга замаа төлөвлөж чадна.
Ур чадвар эзэмшихэд саад болдог нийтлэг хүчин зүйлс:
Тодорхой зорилго байхгүй байх
“Сурах юм байна” гэж ерөнхий боддог ч яг ямар түвшинд, хэзээ хүрэхийг тодорхойлохгүй бол замдаа төөрдөг.
Хэт өндөр хүлээлт, яаруу зан
Хүмүүс хурдан сурахыг хүсээд хэдхэн өдөрт том үр дүн хүлээдэг. Харин хүлээлт биелэхгүй үед урам хугарч, орхих нь элбэг.
Тасралтгүй биш, хойш тавих зуршил
Өдөр бүр бага багаар суралцахын оронд “маргаашнаас” гээд хойшлуулсаар ур чадвар эзэмших цаг хугацаа алдагддаг.
Анхаарал сарних, төвлөрөл сулрах
Гар утас, сошиал медиа, гаднын шалтгаанаас болоод сурах цагт анхаарал сарнидаг.
Сайн эх сурвалжгүй байх
Хэт их мэдээлэл дунд ямар нь зөв, ямар нь буруу болохыг ялгахгүй бол төөрөлдөж, суралцах сонирхлоо алдах эрсдэлтэй.
Практик дутагдах
Зөвхөн онол уншаад, хэрэгжүүлж үзэхгүй бол мэдлэг цаасан дээр үлддэг.
Өөрийгөө бусадтай харьцуулах
“Надаас хурдан сурч байна” гэж өөрийгөө бусадтай харьцуулснаар сэтгэлээр унаж, орхих шалтгаан болдог.
Тэвчээргүй, алдаанаасаа айх
Ур чадвар эзэмшихэд алдаа бол салшгүй хэсэг. Алдааг айдас гэж бус, суралцах боломж гэж хүлээж авахгүй бол хурдан шантрах магадлалтай.
Өөрийн хүссэн ур чадварыг эзэмшиж хөгжүүлэх нь амьдралын хамгийн үнэ цэнтэй хөрөнгө оруулалтын нэг юм. Ур чадвар нь зөвхөн таны мэдлэгийг өргөжүүлэхээс гадна шинэ боломж, амжилтын хаалгыг нээдэг. Гэвч ур чадвар эзэмших замд тодорхой зорилго байхгүй байдал, хойш тавих зуршил, анхаарал сарних, тэвчээргүй хандлага зэрэг олон саад бэрхшээл тулгардаг. Эдгээрийг даван туулахын тулд жижиг алхамуудаар тууштай урагшлах, сайн эх сурвалжид тулгуурлан суралцах, тасралтгүй дадал бий болгох, практикт хэрэгжүүлэх, алдаанаас айлгүйгээр суралцах нь хамгийн чухал.
Өнөөдрийн таны эхэлсэн жижиг алхам маргаашийн том өөрчлөлтийн үндэс болох тул зорилгоо тодорхой тавьж, зарчмаасаа битгий няцаарай. Тэвчээр, тогтмол хичээл зүтгэл хоёр л таныг хүссэн ур чадвартаа хүргэж, таны амьдралд үнэ цэнэ, өөрчлөлт авчирна шүү🥰
