Өнөөдөр програмчлалын ертөнцөд олон төрлийн IDE буюу хөгжүүлэлтийн орчинууд байдаг. Жишээлбэл, VS Code нь бүхнийг нэг дор багтаасан гайхалтай платформ бөгөөд олон хэл, өргөтгөл дэмждэг учраас ерөнхий хэрэглээнд тохиромжтой. Гэхдээ бүхнийг багтааснаараа зарим тохиргоо төвөгтэй байдаг нь сул тал билээ. Жишээ нь, VS Code дээр Java- jdk тохируулах, unit тестийн орчинг бүрдүүлэх зэрэг нь заримдаа хэцүү, ядаргаатай санагддаг. Олон зүйлийг багтааснаар орчин нь ерөнхий байдлаар хөгжихөд төвөгтэй байх нь бий.
JetBrains орчинуудын давуу тал нь бүрэн бие даасан чиг үүрэгтэй IDE-үүдийг санал болгодогт оршино.
Тус бүр нь тодорхой хэл, платформ дээр анхаарсан ба програмчлах үйлдлийг төвлөрүүлж, хөгжүүлэгчийн бүтээмжийг хамгийн ихэд нэмэгдүүлдэг.
JetBrains нь хэрэглэгчдэд шууд хэрэгцээтэй, хурдан, практик шийдлүүдийг санал болгодог бөгөөд програмчлах үйл явцыг илүү үр бүтээлтэй, хөгжилтэй болгож чаддаг. PyCharm, IntelliJ IDEA, WebStorm, PhpStorm зэрэг орчинууд нь тус бүр тодорхой хэл дээр ажиллахад тохиромжтой боловч нийтлэг дизайн, хэрэглэхэд хялбар интерфэйсээрээ хөгжүүлэгчдийг татдаг.
Эдгээр орчинуудыг ялгаруулж байгаа хамгийн том давуу тал нь автоматжуулалт, кодын чанар, бүтээмж юм. IDE нь зөвхөн код бичих хэрэгсэл биш, харин програмчлалын өдөр тутмын олон асуудлыг автоматжуулж, алдаа илрүүлэх, кодыг сайжруулах, төслийг удирдах бүхнийг нэг дор төвлөрүүлдэг. Жишээлбэл, IntelliJ IDEA нь Java хөгжүүлэгчдэд зориулсан IDE боловч дотор нь Git интеграцчилалт, unit тест, debugging, code refactoring зэрэг олон функцийг агуулсан байдаг. Энэ нь хөгжүүлэгчдэд цаг хэмнэхээс гадна бүтээмжийг асар их нэмдэг тул олон хүн хайрладаг.
Онцгой шинэлэг функцууд нь JetBrains орчинуудыг бусдаас ялгаруулдаг. Автомат code completion, real-time code analysis, live templates, refactoring tools зэрэг нь програмчлах явцыг хөнгөвчилдөг. Мөн хөгжүүлэгчдийн хайртай “sharpening” буюу кодыг хамгийн цэгцтэй, логик, ойлгомжтой болгох хэрэгсэл нь IDE-ийн нэг онцлог юм. Энэ нь багш, сурагчид, шинэ кодлогчдод ч хялбар суралцах, алдаа багатай код бичихэд тусалдаг.
JetBrains-ийн IDE-ийг бусад платформуудаас ялгах бас нэг давуу тал нь боловсролын хөнгөлөлт юм. Сурагч, багш нар JetBrains орчинуудыг үнэгүй эсвэл хөнгөлөлттэйгээр ашиглах боломжтой бөгөөд энэ нь боловсролын орчинд програмчлалыг түгээх, сурагчдын чадварыг хөгжүүлэхэд үнэтэй дэмжлэг болдог. Энэ нь олон орны сургуулиуд, кодын академиудад JetBrains-ийг сонгоход гол шалтгаан болдог.
Эцэст нь дүгнэхэд, JetBrains орчинууд нь хөгжүүлэгчид, багш, сурагчдэд зориулсан үнэнч туслах юм. VS Code-той харьцуулахад JetBrains бүрэн чиг үүрэгтээ төвлөрсөн, автоматжуулалт, кодын чанар, бүтээмжийг нэмэгдүүлэх онцгой функцууд, боловсролд зориулсан хөнгөлөлт нь IDE-ийг зөвхөн програмчлах хэрэгсэл бус, өдөр тутмын “програмчлалын хамтрагч” болгож чаддаг. Тиймээс JetBrains орчинууд дэлхий даяар хөгжүүлэгчдэд үнэлэгдэж, олон жил алдартай хэвээр байна.
Боловсролыг Инженерчлэв.
