Програмчлалын анги танхимд хамгийн олон сонсогддог асуултуудын нэг бол:
“Багшаа, энэ semicolon-ийг яагаад заавал тавих ёстой юм бэ?”
Энэ жижигхэн ; тэмдэг эхэндээ энгийн харагдаж болох ч, зарим хэл дээр таны кодыг “амь оруулах” эсвэл “алдуулж унагаах” хоёрын аль нэгийг шийддэг чухал дүрмийн нэг юм.
Semicolon гэж юу вэ?
Програмчлалын хэлний үүднээс бол statement буюу нэг бүтэн өгүүлбэр дууссаныг илэрхийлдэг тэмдэг юм.
- C, C++, Java, C#: заавал мөр бүрийн төгсгөлд тавина.
- JavaScript: заримдаа автоматаар нөхдөг ч, ашиглах нь найдвартай.
- Python: шаардлагагүй ч хүсвэл нэг мөрөнд олон statement тусгаарлахдаа хэрэглэж болно.
💡 Сурагчдад сануулга: Програмчлалын хэл бүрийн дүрэм өөр тул “Python дээр тавихгүй байсан, тэгэхээр Java дээр ч хэрэггүй” гэх логик нь буруу.
Яагаад хэрэгтэй вэ?
- Компиляторт дохио өгнө
- “Энд нэг бодол (statement) дууслаа” гэдгийг ойлгуулна.
- Кодын бүтэц тодорхой болно
- Олон мөрийн код уншихад хаана тасарсныг ойлгоход хялбар.
- Алдаа гарахаас сэргийлнэ
- Semicolon мартаж алдааны дэлгэц харснаа санах нь хөгжүүлэгчдийн нийтлэг дурсамж.
Semicolon мартаж хийдэг нийтлэг алдаа
Энд if-ийн дараах semicolon нь нөхцөлийг тасалдуулж, printf үргэлж ажиллана. Энэ нь “багш чинь шалгалтын оноо шалгахын оронд бүх хүнд ‘100 авсан’ гэж хэлчихэж” байгаатай адил.
Хэл бүрийн жишээ харьцуулалт
C хэл
Python хэл
Python-д semicolon байхгүй ч, нэг мөрөнд хоёр statement тавих бол ингэж хэрэглэж болно:
Дүгнэлт
Semicolon бол жижигхэн боловч чимээгүй “хууль сахиулагч” юм. Хэлний дүрэм, компиляторын ойлголт, кодын уншигдах байдалд шууд нөлөөлдөг. Хэрвээ та үүнийг зөв ойлгож хэрэглэвэл код чинь алдаагүй, уншихад цэвэрхэн, найдвартай байх болно.
